ზოგადად ყველაფერი გარდამავალი მიყვარს. გაზაფხულიც ჩემთვის ზამთარსა და ზაფხულს შორის გადებული ხიდია. ეს არის დრო, როცა ყოველი დღე უფრო და უფრო უკეთესია და შენც უფრო და უფრო აღფრთოვანებული ელოდები ზაფხულის ცხელი დღეების დადგომას. სწორედ ეს ამაღელვებელი მოლოდინი და პროგრესის გრძნობა ხდის გაზაფხულს გაზაფხულად.
მიყვარს გაზაფხულის ხმაურიანი წვიმა, ჭექა და ქუხილი... და ის სუნი, წვიმის შემდეგ მიწას რომ ასდის, ჟრუანტელს რომ იწვევს და სიამოვნებისგან ცრემლებს გადენს.
გაზაფხული ჩემთვის ყოველთვის საინტერესო სიახლეების დრო იყო, ამიტომაც ამ პოსტით მინდა გაგაზაფხულება მოგილოცოთ და ყველა იმ დიდი გადატრიალებისა, თუ მცირე ცვლილებების შესახებ შეგახსენოთ, რომელიც დიდი ხანია დაგეგმილი გაქვთ. გაზაფხულის დადგომასთან ერთად ზამთრის დეპრესიით თავს ვეღარ გავიმართლებთ, ასე რომ ახალი ნაბიჯების და ჩაფიქრებული სურვილების ასრულების დროა! :)
