Summer Must-Haves.. ჩემი რჩევები ზაფხულისთვის..

 ალბათ ჩემსავით ბევრს მოგსვლიათ ისე, რომ დასასვენებლად უზარმაზარი ჩემოდნით წასულხართ, მაგრამ ნახევარზე მეტი ტანისამოსი არც კი ჩაგიცვამთ.. :) დღეს ვისაუბრებ იმ აუცილებელ ტანისამოსზე, რომელიც, ჩემი აზრით, ამ ზაფხულს ყველა გოგონას გარდერობს უნდა ამშვენებდეს.. <3

1) საცურაო კოსტუმი - ამ შემთხვევაში ამართლებს გამოთქმა:"რაც მეტი, მით უკეთესი". სხვადასხვა ფერის და ფორმის საცურაო კოსტუმი უფრო მრავალფეროვანს გახდის დასვენების დღეებს. შეგიძლიათ ე.წ მთლიანი საცურაო კოსტუმიც სცადოთ, ჩემი აზრით, ის სულაც არაა მხოლოდ "პუტკუნა" გოგონებისთვის შექმნილი.. :)) მართალია, ამას თქვენი ნარუჯი შეეწირება, მაგრამ 1 დღე მზის აბაზანების გარეშე გაძლება ნამდვილად შეიძლება. წელს ჩემი ფავორიტი ფერები ღია ვარდისფერი და ატმისფერის ტონალობებია.. :)

2) კოქტეილის კაბა - ნაზი ქსოვილის და დახვეწილი კოქტეილის კაბა ზაფხულში ნამდვილად დაგჭირდებათ... წვეულებისას თუ ქალაქის დათვალიერებისას ასეთი ტანისამოსი თქვენი განუყრელი მეგობარი იქნება.. ლამაზ კაბაში გადაღებული ფოტოები კი ზაფხულისგან სასიამოვნო მოგონებებად დაგრჩებათ.. :)

3) ფერადი "შორტები" - ჯინსის ან ნებისმიერი სხვა ნაჭრის "შორტები" ცხელ ზაფხულს ნამდვილად იოლად გადაგატანინებენ და თქვენს გარუჯულ ფეხებსაც გაუსვამენ ხაზს. ისინი შეგიძლიათ შეუხამოთ, როგორც სპორტულ, ისე კლასიკური სტილის ტანისამოსს.. :) იხ. ფოტოები..


















4) ფერადი ქვედაბოლო - წლევანდელი ზაფხულისთვის ფერადი, მაღალწელიანი ქვედაბოლოების ყიდვას გირჩევდით. იქნება ის მოკლე თუ გრძელი მნიშვნელობა არ აქვს. მართალია მოკლე ქვედაბოლოში თქვენი ნარუჯი უკეთ ჩანს, მაგრამ გრძელი, მსუბუქი ნაჭრის ქვედობოლო ქალური და დახვეწილია..

5) სანდლები - ლამაზი და კომფორტული სანდლები ზაფხულში ყველანაირ ჩაცმულობას უხდება... :) იქნება ის თვლებით გაფორმებული თუ სადა, მხოლოდ თქვენი გემოვნების საკითხია.